Жамбыл облысының Қордай ауданында ауа райының күрт нашарлауына байланысты республикалық маңызы бар «Алматы–Ташкент–Термез» автожолының 143–214 шақырым аралығы уақытша жабылды, деп хабарлайды Jambylinfo.kz 

Шектеу 11 желтоқсан күні сағат 08:30-дан бастап күшіне енді.

Облыстық төтенше жағдайлар департаментінің хабарлауынша, жолдың жабылуына төменгі боран, көріну қашықтығының шектелуі және қозғалысқа қауіп төндіретін қолайсыз метеорологиялық жағдайлар себеп болған. Осыған байланысты аталған учаскеде барлық санаттағы автокөлік құралдарының қозғалысына тыйым салынды.

Мамандар жүргізушілер мен жолаушыларға алыс жолға шықпауға, ауа райы және жол туралы ресми хабарламаларды назарда ұстауға кеңес береді.