Қазақстанда «Суды үнемде – болашақты сақта» атты республикалық акция аясында мектептерде су үнемдеу тақырыбында ашық сабақтар өтуде, - деп хабарлайды Jambylinfo.kz 

Бүгінге дейін еліміздің түкпір-түкпірінен 1,8 миллионнан астам оқушы аталған сабақтарға қатысып үлгерді.

«Балалар сабақтарда пайдалы ақпараттар алып, алған білімдерін күнделікті өмірде қолданады деп ойлаймын. Өйткені мектеп – дұрыс әдеттерді қалыптастыратын ең қолайлы орта. Енді алдағы уақытта жоғары оқу орындарының студенттері үшін де су үнемдеу тақырыбында дәрістер ұйымдастыруды жоспарлап отырмыз», – деді Су ресурстары және ирригация министрі Нұржан Нұржігітов.