Бұл бастама Түркияны Еуропа елдері қатарынан шығарып, оны Таяу Шығыс істері бюросына қосу мәселесін көтереді, деп хабарлайды Jambylinfo.kz Fox News-ке сілтеме жасап.

 Қазіргі таңда Түркия АҚШ Мемлекеттік департаментінің Еуропа және Еуразия істері бюросына кіреді.

Жаңа заң жобасы келесі факторларға негізделген:

НАТО-ға қарсы әрекеттері: Анкараның ХАМАС ұйымымен байланысы, Ресеймен тығыз әскери-экономикалық қарым-қатынасы және НАТО бірлігіне кері әсері.

F-16 ұшақтарына қатысты қысым: Түркия Швеция мен Финляндияның НАТО-ға қосылуын ұзақ уақыт мақұлдамай, Вашингтонға өз талаптарын қойды.

Батыс саясатына алшақтауы: НАТО құрамында бола отырып, Түркияның Батыс альянстарынан қашықтауы Конгресс мүшелерінің алаңдаушылығын туғызды.

Бұл бастамаға Түркия билігі қарсылық білдіріп, елшілік мәлімдеме жасады:

"Түркия – Еуропаның ажырамас бөлігі. Біз – НАТО-ның мықты мүшесіміз, Еуропалық Кеңес пен ЕҚЫҰ құрамындамыз. Біздің еуропалық орнымыз тарихи және геостратегиялық тұрғыдан даусыз."

Егер заң жобасы қабылданса, АҚШ Мемлекеттік департаменті Түркияның дипломатиялық мәртебесін қайта қарап, 90 күн ішінде Конгреске соңғы 5 жылдағы еуропалық саясаттан алыстауы туралы шолу ұсынуы тиіс.

Бұл бастама АҚШ-Түркия қарым-қатынасын одан әрі шиеленістіріп, НАТО ішіндегі келіспеушіліктерді күшейтуі мүмкін.