Ақтөбеде 12 жасар баланы бірнеше қаңғыбас иттер талап өлтірген Ақтөбе облыстық полиция департаменті ұсынған ақпаратқа сәйкес, 12 жасар баланың денесі 3-шағын аудан аумағында орналасқан құрылыс нысандарының аумағында табылған. "Бала көп қан жоғалтқан. Бас, дене, қол мен аяқтың көптеген жарақаты бар. Зорлықпен өлтіргені көрініп тұр", - дейді полицейлер. Алдын ала болжам бойынша баланы иттер талап тастаған болуы мүмкін. Қазіргі кезде сот-медициналық сараптамалар тағайындалды. Қылмыстық іс қозғалды.