Қаржылық мониторинг агенттігінің мәліметінше, аса ірі көлемде алаяқтық жасады және лауазымды тұлғаларға пара беруге итермеледі деген күдікке ілінген Тимур Сәдуақасов Қазақстанға қайтарылды, - деп хабарлайды Jambylinfo.kz

Ол халықаралық іздеуде болып, Өзбекстан шекарасын заңсыз кесіп өту кезінде ұсталған. 25 ақпанда Түркістан облысындағы «Қапланбек» шекара бақылау-өткізу пунктінде агенттік қызметкерлеріне тапсырылғаннан кейін Шымкент қаласындағы тергеу изоляторына қамалды. Жақын арада Павлодарға жеткізілуі жоспарланған.