Сауда деректеріне сәйкес, алтын мен күміс бағасы тарихтағы ең жоғары деңгейге жетті, деп хабарлайды Jambylinfo.kz 

29 қаңтардағы жағдай бойынша Нью-Йорктегі Comex биржасында алтынның сәуір айына арналған фьючерсі бір трой унциясы үшін 5 516 доллар болды. Сауда барысында алтын бағасы 5 584,3 долларға дейін көтеріліп, тарихи рекорд орнатты. Ал 28 қаңтарда алғаш рет бір трой унциясы үшін 5,2 мың доллар межесі бұзылған еді.

Күміс бағасы да 4% өсіп, бір унциясы үшін 118,08 долларға жетті. Бұған дейін оның құны 109,32 доллар болған.

Қазақстанда 28 қаңтардағы жағдай бойынша 1 грамм алтынның бағасы 82 164 теңге болды.