Атырау облысында келіншек жүктіліктің 36 аптасында көз жұмды, деп хабарлайды Жамбылинфо EL.kz ақпарат агенттігіне сілтеме жасап. 29 жастағы әйел 5 желтоқсанда «жедел фарингит» диагнозымен ауруханаға түскен. Келесі күні жансақтау бөлімінде жан тапсырған. Артында бір жастағы баласы қалып отыр. Облыстық денсаулық сақтау басқармасының хабарлауынша, Махамбет ауданында 6 желтоқсанда 29 жастағы жүкті әйелдің өлімі тіркелді. Қазір оның қайтыс болу себептері анықталып жатыр. Толыққанды ақпарат сараптама жасалып болған соң белгілі болады.