"Қазақфильм" басшысы Азамат Сатыбалды актерлік карьерасын Қытайда жалғастыру үшін қызметінен кеткенін мәлімдеді, деп хабарлайды Jambylinfo.kz. Informburo сайтына сілтеме жасап. 

 "30 шілдеден бері Қытайдамын, мұнда халықаралық жобаға қатысамын. "Қазақфильммен" келісімім аяқталды, оны ұзартуды жөн көрмедім. Қазақ актерін бірінші рет осындай деңгейдегі халықаралық жобаға шақырып отыр. Бұл менің актерлік карьерамдағы ірі қадам, қазақ өнерін халықаралық аренаға таныстыру мүмкіндігіне ие болдым. Түсірілімдер бірнеше ай бойы Қытайда да, Қазақстанда да өтеді" деді Сатыбалды.

Kursiv.media-ның жазуынша, мәдениет министрлігі өкілдері "Қазақфильм" басшысының қызметтен кететіні туралы ақпарат шындыққа сәйкес келмейді деп мәлімдеген.

Еске салайық, шілденің ортасында Алматыда бір топ аниматор жеті айдан бері жалақы ала алмай жүргендерін айтып, "Қазақфильм" киностудиясы алдында наразылық білдірген еді. Кейін Сатыбалды оған желіде жауап берген.