Әлем чемпионатында алғаш рет өнер көрсеткен Софья Самоделкина әлемнің үздік 20 мәнерлеп сырғанаушысының қатарына еніп, Қазақстанға қысқы Олимпиадаға қатысу мүмкіндігін қамтамасыз етті, - деп хабарлайды Jambylinfo.kz

Бостонда өткен мәнерлеп сырғанаудан әлем чемпионатында Қазақстан алты жылдық үзілістен кейін әйелдер арасындағы жарыста Олимпиада жолдамасы үшін күресуге мүмкіндік алды. Еркін бағдарламада 24 спортшы өнер көрсетіп, алдағы қысқы Олимпиадаға жолдама үшін бәсекеге түсті.

Ақпан айында Софья Самоделкина Қытайдың Харбин қаласында өткен Азия ойындарында қола медальдан бір саты төмен қалып, төртінші орын иеленген болатын.