Қазақстан билігі БАӘ резиденттері үшін визасыз кіру мүмкіндігін қарастыруда. Тиісті өзгерістердің жобасы "НҚА" порталында қоғамдық талқылауға ұсынылды, - деп хабарлайды Jambylinfo.kz

Кімді қамтиды?

Бұл өзгеріс Бангладеш, Египет, Иордания, Марокко, Непал, Пәкістан, Тунис және Түрікменстан азаматтарына қатысты, егер олар БАӘ резиденттері болып саналса. Олар 6 ай ішінде 30 күнге дейін Қазақстанда визасыз бола алады. Ол үшін кемінде 6 айға жарамды БАӘ резиденттік картасы және БАӘ азаматының өтінішхаты қажет.

БАӘ резиденттерінің бұл санаты 4 миллионнан астам адамды құрайды. Визасыз режим туристік және іскерлік байланысты нығайтуға мүмкіндік береді.
2024 жылы Қазақстанға 14 700 БАӘ тұрғыны келіп, 2023 жылмен салыстырғанда 39%-ға артқан. Бұл өзгерістердің қажеттілігін айқындайды.