17 наурыздан бастап Қазақстанда алтынға инвестиция салудың жаңа құралы – Gold Coin жобасының ÚKI монетасы қолжетімді болады, - деп хабарлайды Jambylinfo.kz

ÚKI монетасы 1/20 трой унция алтынға байланған, ал оның бағасы Лондон биржасындағы (LBMA) алтынның әлемдік құны мен келісім алдындағы теңге-доллар бағамына қарай белгіленеді.

«Монетаның бағасы халықаралық стандарттар мен ресми валюта бағамдарына негізделіп есептеледі», – деп түсіндірді Ұлттық банктің баспасөз қызметі.

Қаржы реттеушісінің мәлімдеуінше, Gold Coin жобасы қазақстандықтарға цифрлық экономика мен заманауи технологиялар жағдайында капитал жинау мен инвестициялаудың баламалы құралын ұсынуға бағытталған.