Кездесу барысында тараптар ынтымақтастықтың перспективаларын талқылап, әсіресе энергетика, өнеркәсіп, цифрландыру және Транскаспий көлік дәлізін дамыту салаларындағы сауда-экономикалық әріптестікті кеңейтуге ерекше назар аударды, - деп хабарлайды Jambylinfo.kz.

Кая Каллас Қазақстан мен Еуропалық Одақ арасындағы қарым-қатынастың жоғары деңгейін атап өтіп, ЕО мен Қазақстан арасында виза рәсімдерін жеңілдету процесінің басталғанын жариялады.

Өз кезегінде Қасым-Жомарт Тоқаев бұл бастама Қазақстан мен Еуропа елдері арасындағы байланысты нығайтуға кең мүмкіндік ашатынын айтты.