Жібек Құламбаева жұптық сында Лозада ITF W35 турнирінің чемпионы атанды. Бұл туралы Қазақстан теннис федерациясы хабарлады, деп хабарлайды Jambylinfo.kz.

Қазақстандық теннисші белоруссиялық Юлия Хатукамен бірге соңғы бәсекеде ресейлік Полина Яценко – бельгиялық Ханне Вандевинкельмен кортқа шықты.

Бірінші партияда Құламбаева мен Хатука 6:3 есебімен басым түссе, екіншісінде ресейлік-бельгиялық дуэт 6:1 көрсеткішпен есе қайырды.

Супер тай-брейкте Жібек Құламбаева мен Юлия Хатука 10:4 есебімен жеңіске жетті.