Алматы облысының полиция департаментінің мәліметінше, полиция Toyota Camry көлігін тоқтатып, тексеру барысында оқиғаның мән-жайы ашылған.  Аталған көлік жүргізушісі көлік басқару құқығынсыз рөлде отырған. Ал KIA Carnival көлігінде жолаушы болған Әбдіжаппар Әлқожа құқық бұзушыны тіркеуге кедергі келтірген. «Көлікті айып тұрағына жеткізген кезде KIA Carnival автокөлігінің жолаушысы азамат М. полиция қызметкерлеріне қысым көрсетіп, тәртіп бұзушыны тіркеуге кедергі келтірген. Заңсыз әрекеттердің жолын кесу кезінде құқық бұзушы полиция қызметкерлеріне бағынбаған. Ер адам медициналық тексеруге алынды. Оның қорытындысы бойынша алкогольдік масаңдықтың «орташа» дәрежесі анықталды», – делінген хабарламада. Нәтижесінде, көлік құралын басқару құқығынсыз басқарғаны үшін «Toyota Camry» көлігінің жүргізушісі мен  KIA Carnival көлігінің жолаушысы Әбдіжаппар Әлқожа екеуі де 10 тәулікке әкімшілік қамауға алынды.