Қатарда футболдан өтіп жатқан әлем чемпионатының ширек финалында Бразилия құрамасы Хорватиядан жеңілгеннен кейін бас бапкер Тите қызметінен кететінін мәлімдеді.  Ол бас бапкер қызметіне 2016 жылы тағайындалған. Тите шәкірттері әлем чемпионатының екі рет ширек финалына дейін жетті. Төрт жыл бұрын Ресейде өткен әлем біріншілігінде Бельгиядан 1:2 есебімен ұтылса, бұл жолы хорватиялықтардан пенальти сериясында жеңілді. Еске салайық, 13 желтоқсан күні әлем чемпионатының жартылай финалында Хорватия Аргентинамен кездеседі.