Жыл басынан бері ЕНПФ салымшылары 370,56 млрд теңге жоғалтты, - деп хабарлайды Jambylinfo.kz 

Қаңтар-ақпан айларында зейнетақы активтерінің табыстылығы минус 1,64%-ды құрады, деп хабарлады қордың шолуында.

БЖЗҚ инвестициялық кірістің теріс болуына бірнеше негізгі себепті атады:

Валюта бағамының өзгеруі. Қаңтарда теңгенің долларға шаққандағы бағамы 525,11-ден 518,14-ке, ал ақпанда 518,14-тен 499,22 теңгеге дейін нығаюы әсер етті.

Мемлекеттік бағалы қағаздардың құнсыздануы. Қазақстанның мемлекеттік облигацияларының нарықтық бағасы төмендеді. Бұл инфляция мен инфляциялық болжамдардың өсуіне, сондай-ақ Қаржы министрлігінің облигацияларды көптеп шығарғанына байланысты болды.

Дегенмен, ақпанда шетелдік нарықтарда сатып алынған активтердің бағасы өсіп, бұл портфельдің жалпы табыстылығына оң әсерін тигізді.

Қысқа мерзімді ауытқуларға қарамастан, соңғы 12 айда – 2024 жылдың наурызынан 2025 жылдың ақпанына дейін – инвестициялық кіріс көлемі шамамен 2,7 трлн теңгені құрады. Осы кезеңдегі табыстылық 13,74%, ал инфляция 9,4% деңгейінде болды.