Қазгидромет 20-22 мамырға арналған ауа райы болжамын жариялады. 20 мамырда Қара теңіз аудандарынан суық ауа массаларының басып кіруінен батыс және оңтүстік өңірлерді қоспағанда, республиканың басым бөлігінде ауа температурасының қысқа мерзімді төмендеуі күтілуде. Түнде солтүстік, солтүстік-батыс, орталық, шығыс, оңтүстік-шығыс аймақтарда кей жерлерде 2 градусқа дейін қатқақ болады. Бірақ 21 мамыр күні күндіз Иран аудандарынан жылы ауа массаларының шығарылуынан температура көтеріледі: солтүстік, солтүстік-батыс, орталық аудандарда 25-33, оңтүстікте 35 градусқа дейін жылы болмақ. Атмосфералық фронтальды жүйелердің өтуінен кей жерлерде найзағай ойнап, қатты жел соғады, бұршақ жаууы мүмкін, 20-21 мамырда еліміздің шығысы мен оңтүстік-шығысында кей жерлерде қатты жаңбыр жауады. Түнде және таңертең жекелеген облыстарда республика бойынша тұман күтіледі.