Елімізде 2022-2024 жылдар аралығында экологиялық заңнаманы бұзу фактілері бойынша 405 айыппұл салынды. Жалпы айыппұл сомасы 14,3 млрд теңгені құрады, - деп хабарлайды Jambylinfo.kz 

Ең ірі айыппұлдардың бірі – «Каспий Мұнай» АҚ компаниясына салынған 13,7 млрд теңге, себебі ол қалдықтарды экологиялық рұқсатсыз жинаған. Сонымен қатар, «AltyntauKokshetau» АҚ мен «Қаржы-инвестициялық корпорация» АҚ нормативтен тыс қалдықтарды жинағаны үшін тиісінше 145 млн теңге және 108,7 млн теңге көлемінде айыппұл төлеуге міндеттелді.

Қолданыстағы заңнамаға сәйкес, әрбір кәсіпорын қалдықтардың көлемін азайтуға бағытталған ең үздік қолжетімді техниканы пайдаланып, Қалдықтарды басқару бағдарламасын әзірлеуге міндетті.