жұма, 4 сәуір, 2025 3:18

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Ерболат Досаев енді екі апта сайын Тоқаевқа есеп беретін болады

Ерболат Досаев енді екі апта сайын Тоқаевқа есеп беретін болады
Ақорда
Енді Ерболат Досаев атқарылған жұмыс жөнінде әр екі апта сайын тікелей президент Қасым-Жомарт Тоқаевқа есеп беретін болады.

Бұл талап Алматы қаласын дамыту және тұрғындардың өмір сүру сапасын жақсарту мақсатында қойылып отыр, - деп хабарлайды Zhambylinfo.kz.

29 наурыз күні мемлекет басшысы Алматы қаласына жұмыс сапары барысында әкім Ерболат Досаевқа бірқатар маңызды тапсырма жүктеді. Президент қаланың инфрақұрылымын жақсартуға ерекше назар аударып, ең алдымен көше жарығын ретке келтіру, аулалар мен көшелерді абаттандыру, сондай-ақ тұрғын үйлерге сапалы әрі уақтылы су жеткізуді қамтамасыз етуді міндеттеді.

Сонымен қатар, Қасым-Жомарт Тоқаев қалада көгалдандыру жұмыстарын жүйелі түрде жүргізу қажеттігін атап өтті. Ол «Таза Қазақстан» экологиялық акцияларын тұрақты ұйымдастыруды, көлік қозғалысын реттеуді және қоршаған ортаны қорғау шараларын күшейтуді тапсырды.

Президент Алматының еліміздің қаржы, мәдениет, туризм және спорт хабы ретіндегі мәртебесін одан әрі нығайту керектігін баса айтты. Осы мақсатта қала әкімдігі басқару тиімділігін арттырып, тұрғындар мен қала қонақтарына жайлы жағдай жасау үшін ауқымды жұмыстар жүргізуі тиіс.

Мемлекет басшысы бұл тапсырмалардың орындалуын жіті қадағалайтынын мәлімдеп, енді Ерболат Досаев әр екі апта сайын президентке есеп беріп отыратынын айтты.

Арайлы Жақсылық
Автор

Арайлы Жақсылық

Арайлы Жақсылық

Ұқсас жаңалықтар