Мәжіліс депутаттары халықаралық ғылыми байқауларда жетістікке жеткен оқушылар мен олардың ұстаздарына бір реттік төлем жасауды ұсынып отыр, - деп хабарлайды Jambylinfo.kz

Осыған қатысты заңнамаға өзгерістер енгізу туралы ұсынысты парламенттің әлеуметтік-мәдени даму комитеті мақұлдады. Енді бұл мәселе мәжілістің жалпы отырысында қаралады. Ақшалай төлемдер аталған байқаулардың жеңімпаздары мен жүлдегерлеріне, сондай-ақ оларды дайындаған педагогтарға берілмек.

Бұған дейін депутаттар халықаралық ғылыми байқаулардың лауреаттарына Ұлттық бірыңғай тестілеуден өтпей-ақ жоғары оқу орындарына түсуге рұқсат беру туралы шешім қабылдануына қол жеткізген еді.

"Егер бұл мәселені қайта-қайта көтеріп, біртіндеп алға жылжитын болсақ, шешімі табылады", – деп қуанышын жеткізді депутат.