Instagram мен Facebook желілерінде декретте отырып миллион табуды үйреткендер жауапқа тартылады, деп хабарлайды Jambylinfo.kz  baq.kz сілтеме жасап.

 Қазіргі уақытта декреттік төлемді заңсыз алған 113 әйел сотқа тартылуы мүмкін.

Бұл схема бойынша адам декретке шықпас бұрын өзіне немесе танысына жеке кәсіпкерлік (ЖК) не ЖШС арқылы "жұмысқа" орналасып, жоғары жалақы көрсетеді. Осылайша, ол мемлекеттен үлкен көлемде әлеуметтік төлем алады.

Мұндай жағдайларды анықтау үшін Еңбек және халықты әлеуметтік қорғау министрлігі мен Салық комитеті мәліметтерді салыстырып, күмәнді әрекеттерге тексеріс жүргізеді. Сонымен қатар, салық органдары кәсіпкерлердің есептерін, салық төлемдерін және басқа да мәліметтерді талдап, заң шеңберінде бақылау жүргізіп отыр, - деп мәлімдеді Сарбасов.