Жеке тінту кезінде тәртіп сақшылары 130 дана трамадол таблеткасын және жергілікті дәрігер жазып берген екі рецепт тәркіледі, деп хабарлайды Jambylinfo.kz.

Жедел-іздестіру іс-шаралары барысында бұл рецептілердің 70 жастағы жеке медициналық мекеме қызметкері тарапынан заңсыз жазылғаны анықталды.

Күдіктіні есірткі қылмысына қарсы іс-қимыл басқармасының мамандары мен прокуратура қызметкерлері бірлесіп ұстады.

Тексеру кезінде дәрігердің жұмыс бөлмесінен мөрі қойылған тағы тоғыз рецепт табылған.

Аталған деректер бойынша қазіргі уақытта Қылмыстық кодекске сәйкес сотқа дейінгі тергеу жүргізілуде.