Әсіресе Малибу қаласының төңірегіндегі жағдай қиын. Мұндағы жалын желдің екпінімен тез тарап, үйлерге қауіп төндіріп тұр. Сондықтан 20 мыңдай тұрғынға көшуге бұйрық берілген, деп хабарлайды Jambylinfo.kz qazaqstantv сілтеме жасап.

Тілсіз жаумен күреске 1 мың жарымдай адам жұмылдырылды. Соған қарамастан 1,2 мың гектарға жуық орман алқабы өртеніп кетті. 

Ал Лос-Анджелестің батысында қаулаған өрттен өнер жұлдыздарының виллалары, жылқы фермалары және жергілікті университет зардап шекті. Осы аумақтағы 44 мыңдай тұтынушы жарықсыз қалған.