бейсенбі, 3 сәуір, 2025 22:56

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Kazakhstan Tourism жаңа туристік жолсілтеме әзірледі

Kazakhstan Tourism жаңа туристік жолсілтеме әзірледі
«Kazakh Tourism» Ұлттық Компаниясы» АҚ
Бұл туралы «Kazakh Tourism» Ұлттық Компаниясы» АҚ-ның баспасөз қызметі мәлімдеді

Kazakh Tourism Қазақстанды жаңаша танытатын жаңа туристік гид әзірледі. Бұл жолсілтеме елдің көпшілікке беймәлім аймақтарын қамтып, танымал бағыттарға жаңа көзқарас ұсынады. Гидтің авторы – белгілі саяхатшы Виталий Шуптар, - деп хабарлайды Jambylinfo.kz

Жаңа тревел-гайд саяхатшылар үшін таптырмас көмекші болмақ. Онда тек әйгілі туристік нысандар ғана емес, сонымен қатар әлі толық зерттелмеген бірегей орындар да қамтылған.

Сіз Қазақстанның батысында орналасқан «Шахмат ханшайымы» жартастары туралы білесіз бе? Немесе Шығыс Қазақстандағы ХХ ғасырдың басында салынған ескі Аустрия жолын көрдіңіз бе? Ал Хан Тәңіріне керемет көрініс ашылатын мінсіз орынды іздеп жүрген жоқсыз ба? Жаңа гид осы және басқа да ерекше бағыттар туралы ақпарат береді.

Туристік нұсқаулық барлық локацияларды өңірлік тұрғыда топтастырған. Ол саяхатшыларды Қазақстанның солтүстік, батыс, орталық, оңтүстік-шығыс, оңтүстік және шығыс аймақтарындағы ең әсерлі жерлерге бағыттайды.

Kazakh Tourism басшысы Қайрат Сәдуақасов бұл гидтің саяхатшыларға жаңа көкжиектерді ашуға көмектесетінін атап өтті:

"Бұл жолсілтеме саяхатшыларға бірден бірнеше туристік нысанды белгілеп, сапарын тиімді жоспарлауға мүмкіндік береді. Онда кеңінен танымал орындармен қатар, ерекше әсер сыйлайтын, бірақ әлі көпшілікке белгісіз локациялар туралы да мәлімет бар. Мысалы, Шығыс Қазақстандағы ескі аустриялық жол, Актолағай мен Ақкегершін үстіртіндегі бор жартастары, сондай-ақ Хан Тәңірін тамашалауға болатын Нарынқол жайлы ақпарат енгізілген. Сонымен қатар гидте сапалы фотоматериалдар бар, олар туристік бағыттармен визуалды түрде танысып, сапарды алдын ала жоспарлауға көмектеседі", – деді ол.

Үш тілде жарық көрген тревел-гайд Қазақстандағы жаңа перспективалық туристік бағыттарды ұсынады. Оны жоспарлау кезінде де, жолда жүргенде де пайдалану ыңғайлы.

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар