Жамбыл ауданы Гродеково ауылында жыл бойына жұмыс істейтін «Мөлдір бұлақ» оқу-сауықтыру орталығы өз жұмысын бастады.  Жалпы алаңы 10 гектарды құрайтын орталықтаа 5 жатын корпус, 2 бассейн, спорттық алаңдар мен коворкинг орталығы, гольф клубы бар. Үздіксіз қызмет көрсететін орталық бір ауысымда 50 баланы қамти алады. Ауысымның ұзақтығы жазда 15 күнді құраса, қыс мезгілінде балалардың 20 күн бойы демалуларына мүмкіндік жасалған. Мекемеде маусымдық жұмыс істейтін қызметкерлер саны жалпы 20-ға жуық. Яғни, мұнда 4 тәрбиеші, 7 тәлімгер, 3 медицина қызметкері, педагог-ұйымдастырушы, 2 дене шынықтыру мұғалімі, аға тәлімгер мен әдіскер қызмет етеді.