Президенттің тапсырмасы бойынша архив Алматыдан Астанаға көшіріліп, ел тарихына қатысты құжаттар сақталатын ғана емес, сондай-ақ білім беру және ғылыми-әдістемелік орталық ретінде қызмет көрсететін Орталық Азиядағы алғашқы архивке айналмақ, - деп хабарлайды Jambylinfo.kz

Ғимаратта мұрағат қоймалары, зертханалар, интерактивті экспозициялар мен оқырман залдары, жұмыс бөлмелері және әкімшілік аумақ орналасқан. Мұнда 24 мұрағат қоймасы қағаз құжаттарын, дыбыстық және бейнемазмұнды жазбаларды сақтау, сондай-ақ шағын таспалар мен электрондық құжаттарды қорғау үшін арнайы бөлінген.

Қазақстанның 1918 жылдан басталатын саяси тарихын қамтитын мол құжаттар Архивте сақталады. Олардың ішінде еліміздің тәуелсіздік жолы, сыртқы және ішкі саясаты, халықаралық қатынастары, экономикалық реформалары мен әлеуметтік-мәдени дамуы туралы құнды материалдар бар.