Мемлекет басшысы жұмыс сапарымен Абу Дабиге келді, Jambylinfo.kz                                                                                                                         

Президент Қасым-Жомарт Тоқаев «Абу Дабидің орнықты даму апталығының» ашылуына және Zayed Sustainability Prize сыйлығын тапсыру рәсіміне қатысты. Саммит барысында  президент сөз сөйледі.

Іс-шараға БАӘ Президенті шейх Мұхаммед бен Заид, Әзербайжан Президенті Ильхам Әлиев, Руанда Президенті Поль Кагама, Өзбекстан Президенті Шавкат Мирзиёев, Малайзия мен Жаңа Зеландия премьер-министрлері және басқа да әлемдік көшбасшылар мен сарапшылар қатысты.                                                                                                                                                                                                 

Саммитте жасыл технологиялар мен жаңартылатын энергияға инвестиция салу, климат өзгерісіне қарсы күрес және орнықты даму мәселелері талқыланды. Биыл форум «Болашақпен байланыс: Орнықты дамуды жеделдету» тақырыбында өтті.