Жамбыл облыстық өңірлік коммуникациялар қызметі алаңында Қордай ауданы, Ноғайбай ауылдық округінің   әкімі Ешмұрат Ер-Серік Аманбекұлы БАҚөкілдерімен баспасөз конференциясын өткізді.  Брифинг барысында ауыл әкімі округтің соңғы 10 айдағы  әлеуметтік-экономикалық даму көрсеткіштерін баяндады.  Ноғайбай ауылдық округінде 2023 жылғы 10 айында әлеуметтік-экономикалық даму көрсеткіштерін баяндады. 

 Ноғайбай ауылдық округі аудан орталығынан - 18 шақырым қашықтықта орналасқан. Округтің аумағы 41 301,2 га құрайды.Ноғайбай ауылдық округінде үш елді мекен орналасқан: Ноғайбай, Шарбақты, Сарыбастау ауылдары. Округ бойынша  тұрғындар саны – 2526.  Округте барлығы 580 оқушыға арналған 1 орта, 1 негізгі мектеп бар, 960 білімгерге арналған ауылшаруашылық колледж, 140 балаға арналған мемлекеттік бөбекжай, 1 дәрігерлік амбулатория, 2 медициналық тірек, 2 кітапхана бар. Округ бойынша Ноғайбай ауылында 1 пошта қызметі жұмыс атқарады. 40-қа жуық қызметтер көрсетеді. 2 мұсылман мешіті бар. Округте «Қазақтелеком» акционерлік қоғамының Ноғайбай ауылы бойынша 18 абоненті сымсыз, Шарбақты ауылында 10 абоненті сымды, Сарыбастау ауылында 5 сымсыз телефондармен қамтылған,- дейді Ер-Серік Аманбекұлы.

Жалпы ауылдық округітң  инвестиция тарту көлемі – 204 785,0 мың теңгені құрап отыр. Оның ішінде: ауылшаруашылық техникасын сатып алу 69 650,0 мың. тг, мал қорасын салу 135 000,0 мың теңге.   Егін және мал шаруашылығымен айналысатын шаруақожалықтардың саны 82. Жауапкершілігі шектеулі серіктестіктер саны – 2. 88 жеке кәсіпкер әртүрлі сала бойынша жұмыс жасайды. Шаруа қожалықтарының барлық жер көлемі – 37901,2 га, оның ішінде жайылым- 29834,0 га, егістік жерлері- 7696,4 га, суармалы-777 га.   Ал, күзгі дала жұмыстарына келер болсақ, округ бойынша шаруа қожалықтарда барлығы 7676 га жерге егістік егілді. Оның ішінде: 2023 жылы күздік бидай – 2652 га, арпа – 1314 га, жүгері – 40 га, сафлор 20 га,  көп жылдық шөп 500 га егілді.

Мүйізді ірі қара мал саны – 5176, ұсақ мал саны – 43972, жылқы саны – 1786 бас, ал құстар – 5755. Округ бойынша жалпы 47 мал қоралар бар. Жыл басынан округ бойынша  барлығы 55 бас қаңғыбас иттер жойылды,- деп баяндады ауыл әкімі.