Министрдің отставкаға өтініш беруіне 26 тамызда Жамбыл облысының Байзақ ауданындағы әскери бөлім қоймаларының біріндегі жойқын жарылыс себеп болған сыңайлы. Соңғы мәлімет бойынша, Жамбыл облысындағы жарылыстан 15 адам қаза тапқан. «Қазіргі уақытта басты мақсатым - апаттың салдарын тез арада жою. Ал сіздерді отставка мәселесі қызықтыратын болса, онда мен осы хабарды естігеннен кейін бірінші минутта өзім үшін шешім қабылдадым. Мен отставкаға өтініш беремін, отсавкаға жіберуін сұраймын. Ал қалғанын жоғарғы басшылық шешеді», деген болатын Нұрлан Ермекбаев бұған дейінгі сұхбатында.