Орталық Азиядағы ең үлкен мешіт Астанадағы ескерткіштер қатарына кіруі мүмкін
Екі ай бұрын экс-президент Нұрсұлтан Назарбаев ашқан мешітті қазірдің өзінде елорда басшылығы Астанадағы ескерткіштер қатарына қосқысы келеді, деп хабарлайды "Jambylinfo" Ulysmedia.kz сайтына сілтеме жасап.
Еске салайық, Орталық Азиядағы ең үлкен мешіт саналатын мешітті Назарбаев 12 тамызда ашқан болатын. Небары үш жылдың ішінде мұсылман жамағатының құлшылық етуіне берілген. Сондықтан Нұрсұлтан Назарбаев құлшылық үйінің ашылуына арнайы қатысып, бірегей мешіт татулық пен тұрақтылыққа өз үлесін қосады деп сенетіндігін білдірген.
«Тәуелсіздік таңы атқаннан бері еліміздің әр түкпірінде көп мешіт ашылып, жамағатты риза қылғаны бәрімізге белгілі. Оларда оқылған намаздар мен дұғаларды Алла қабыл етсін. Мен Мемлекет басшысы ретінде өкілеттігімді тоқтатудан бір күн бұрын, 2019 жылғы наурызда осы мешіттің алғашқы кірпішін қаладым. Сол сәтте менің қасымда қазіргі Президентіміз Қасым-Жомарт Тоқаев болды. Аллаға жүгініп, ризашылығымызды білдіріп, болашақта халқымыздың тәуелсіздігі мен еліміздің еркіндігі ұзағынан болсын деп тіледік. Асыл дінімізге осынша қолдау көрсетуді әу бастан мұсылмандық міндетім, халқымның алдындағы перзенттік парызым деп білдім», - деді ол мешіттің ашылуында.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Алдыңғы мақала
Ұқсас жаңалықтар
