Жамбыл облысында Тoyota Alfard минивені мен Skoda-Octavia полиция көлігі бетпе-бет соқтығысып, 6 адам мерт болды, деп хабарлайды Jambylinfo.kz.

Облыстық полиция департаментінің хабарлауынша,  Тoyota Alfard қарсы жолаққа шығып кеткен. Нәтижесінде салонындағы 8 адамның 4-еуі тіл тартпай кеткен. Көлік жүргізуші ауруханаға жеткізілген. 

Ал Skoda-Octavia полиция көлігіндегі екі тәртіп сақшысы да оқиға орнында жан тапсырған. Полицейлердің бірі - 11 бала өсіріп отырған көпбалалы әке болған.

"2024 жылдың 17 тамызында сағат 01:00 шамасында "Меркі-Шу-Бурылбайтал" республикалық маңызы бар автожолының 40-шақырымында ауыр жол-көлік оқиғасы орын алды.  25 жастағы "Тойота Альфард" автокөлігінің жүргізушісі қарсы жолаққа шығып, "Шкода Октавия" патрульдік полиция көлігімен соқтығысқан.
Аталған дерек бойынша ҚР ҚК-нің 345-бабы 4-бөлігімен сотқа дейінгі тергеу басталды. Қазіргі уақытта қажетті тергеп-тексеру амалдары жүргізілуде", - деп жазылған ведомствоның хабарламасында.