бейсенбі, 13 маусым, 2024 18:10

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Ресейде полиция Қазақстан азаматтығы бар жергілікті басылым тілшісін ұстады

Ресейде полиция Қазақстан азаматтығы бар жергілікті басылым тілшісін ұстады
ашық дереккөзі
Ресейде полиция Қазақстан азаматтығы бар жергілікті басылым тілшісін ұстады
Ресейдің Пермь қаласында полиция жергілікті Properm.ru сайтының тілшісі Владислав Иваненконы ұстады. Бұл жөнінде басылымның өзі хабарлады. Properm.ru сайтының жазуынша, Иваненкода Қазақстан азаматтығы бар. Ресейде тұрып келе жатқанына 8 жыл болған. Ұсталмай тұрып журналист ықтиярхатының күші жойылғаны жөнінде хабарлама алған. "Владислав Иваненко бұрын-соңды әкімшілік не қылмыстық жауапқа тартылмаған. Properm.ru редакциясы ішкі істер министрлігінің Пермь өлкесі бойынша бас басқармасының өтінішінде көрсетілген – ықтиярхат күшінің жойылуына негіз болған жайттар ойдан құрастырылған деп санайды. Одан бөлек, шешімге қатысты заңмен белгіленген мерзімде шағым түсірілген. Құқық қорғау органдарының әрекеті заңсыз, артық деп есептейміз және қызметкер мен редакцияға қысымды тоқтатуды талап етеміз" деп жазылған редакция мәлімдемесінде. Пермь өлкесі бойынша бас басқармасы журналистің ықтиярхатын не үшін жарамсыз еткені белгісіз. Басылым хабарламада бұл тұсын нақтыламаған. Редакция өкілдері Иваненкомен байланыс үзілгенін айтып отыр.
Бөлісу:
jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар