Ақпан айының соңында ҰҚК басшысының бұрынғы бірінші орынбасары және Нұрсұлтан Назарбаевтың жиені Самат Әбіш «лауазымды өкілеттігін асыра пайдаланғаны үшін» 8 жылға шартты түрде сотталған болатын. Жоғарғы Сот неліктен оған тек шартты үкім кесті? Бүгін Жоғарғы Соттың қылмыстық істер жөніндегі сот алқасының төрайымы Назгүл Рахметуллина осыны түсіндірмек болды, деп жазады jambylinfo.kz.
 «Шартты жаза жиі қолданылады, заңның бабы бар, соттың оны қолданбауға құқығы жоқ. 63-бапта шартты түрде жаза қолданылмайтын қылмыстардың тізбесі көрсетілген. Бұл ерекше ауыр қылмыстар, санкциясы 12 жылдан астам бас бостандығынан айыру және бұл сыбайлас жемқорлық қылмыстар және т.б. Тыйым болмаса, сот жеке шешеді, іске байланысты барлығы ескеріледі: адам бұрын сотталған ба, оның мінез-құлқы қандай, қылмыспен келтірілген зиянды өтеген бе деген сияқты мәселелер ескеріледі», - деп түсіндірді Рахметуллина.