Комиссияның күн тәртібіне үш өзекті мәселе енгізілді. Алғашқы мәселе — аудандағы киберқылмыстың алдын алу және оған қарсы күрес шаралары бойынша аудандық полиция бөлімінің атқарған жұмыстарының есебі. Соңғы жылдары қоғамда киберқылмыстардың саны артып, интернет алаяқтық әрекеттері жиілеп кетті. Бұл жағдай тек қалаларда емес, ауылдық жерлерде де алаңдаушылық туғызуда. Отырыста Сарысу аудандық полиция бөлімінің бірінші орынбасары Нұрбек Досымбетов осы бағыттағы атқарылған жұмыстардың нәтижелерін баяндады.

Киберқылмыспен күрес – уақыт талабы

Нұрбек Досымбетовтың айтуынша, аудандық полиция бөлімі киберқылмысқа қарсы күрес бойынша бірқатар нақты шараларды қолға алған. Атап айтқанда, тұрғындар арасында ақпараттық-түсіндіру жұмыстары жүргізілуде. Полицейлер мектептер мен басқа да білім беру мекемелерінде оқушылар мен ұстаздар арасында киберқауіпсіздікке байланысты тренингтер ұйымдастырып, интернет алаяқтардың әрекеттері туралы ескерту шараларын қабылдауда. Сонымен қатар, аудан тұрғындарына электрондық пошталарға келетін күдікті хаттар мен хабарламалардан сақтанудың жолдары туралы кеңестер берілуде.

Дегенмен, киберқылмыстардың алдын алуда бірқатар қиындықтар да бар. Көп жағдайда тұрғындар интернет алаяқтықтың құрбаны болғаннан кейін ғана құқық қорғау органдарына жүгінеді. Осының алдын алу үшін, полиция бөлімі жергілікті тұрғындар арасында ақпараттық кампанияларды күшейтуді жоспарлап отыр. Бұл шаралар арқылы аудан көлемінде киберқылмыстың деңгейін төмендету көзделуде.

Ішкі талдау жұмыстары және ақпараттық декомпозиция

Комиссия отырысының екінші мәселесі ретінде аудан әкімдігінің аппараты ішкі талдау жүргізіп жатқан «Үлгілік базалық бағыт №4» жобасы талқыланды. Жоба аясында түрлі мемлекеттік органдар мен мекемелердің қызметі бағаланып, олардың тиімділігі мен нәтижелері сарапталуда. Аудан әкімі аппаратының мемлекеттік-құқықтық бөлімшесінің басшысы Жеңіс Құдайбергенов бұл жоба аясында жүргізілген талдау жұмыстарының нәтижелерімен бөлісті. Талдау барысында құқық бұзушылықтардың алдын алу бойынша қабылданған шаралардың әсері зерттеліп, құқық қорғау және мемлекеттік органдардың тиімді жұмыс істеуі үшін нақты ұсыныстар жасалды.

Үшінші мәселе – әртүрлі нысаналы топтар деңгейінде декомпозицияланған ақпараттық жұмыс жүргізу туралы болды. Аудан әкімдігінің ішкі саясат бөлімінің басшысы Ұлбике Салимова ақпараттық жұмыс барысында қолданылған тәсілдер туралы баяндап, түрлі топтарға бағытталған ақпараттық науқандардың маңыздылығын атап өтті. Бұл жұмыстар жастар, қарттар және өзге де әлеуметтік топтар арасында құқық бұзушылықтың алдын алу мақсатында жүргізілуде. Салимова аудан тұрғындары арасында құқықтық білім беру және құқық бұзушылықтың алдын алу шараларын түсіндіру маңызды екенін атап өтті.

Қоғамдық қауіпсіздікті нығайту – басты мақсат

Жиын барысында комиссия мүшелері ұсынылған мәселелер бойынша өз пікірлерін білдіріп, талқылан