Жиында өткен жылғы су тасқынының салдарын жою бойынша атқарылған жұмыстар сараланып, алдағы су басу қаупі мен оны болдырмау шаралары қарастырылды, деп хабарлайды Jambylinfo.kz 

Сенат Төрағасының орынбасары Жақып Асанов бұл мәселенің биыл да өзекті екенін атап өтті. Оның айтуынша, көктемгі су тасқыны халық пен инфрақұрылымға жыл сайын үлкен сынақ әкеледі. 2024 жылғы жағдай табиғи апаттың қаншалықты ауыр салдарға әкелуі мүмкін екенін көрсетті.

«Өткен жыл біз үшін үлкен сынақ болды. Мыңдаған отбасылар зардап шекті, үйлер қирады, жолдар мен көпірлер бүлінді. Президенттің араласуымен шұғыл шаралар қабылданып, мекемелердің үйлесімді жұмысының арқасында шығындарды азайту мүмкін болды. Дегенмен, егер алдын алу шаралары дер кезінде жүргізілсе, көптеген залалды болдырмауға болар еді. Басты мақсат – су тасқынының салдарымен күресу ғана емес, оны жүйелі түрде болдырмау», – деді Жақып Асанов.

Бақытжан Бекболат