Алматы облысының прокуратурасы Талғарда кісі қолынан қаза тапқан Шерзат Полаттың өліміне қатысты істі тергеу аяқталып қалғанын мәлімдеді, деп хабарлайды Jambylinfo.kz 

 Қазір қажетті тергеу жүргізіліп, барлық күдікті ұсталды.

«Алматы облысының прокуратурасы Шерзат Полатты өлтіру фактісі бойынша сотқа дейінгі тергеу аяқталуға жақын екенін хабарлайды. Қажетті тергеу әрекеттері жүргізіліп, барлық күдікті ұсталды», - делінген хабарламада.

Ведомствоның мәлімдеуінше, қазіргі уақытта сараптама нәтижелері күтілуде. Сараптама қорытындысынан кейін іс процестің қатысушыларына танысу үшін беріледі.

«Қ.Нұрымовтың үйін өртеу және Н. Ғайыпбаевтың өз-өзіне қол жұмсауы бойынша қылмыстық істердің тергелуі Бас прокуратураның бақылауында екенін хабарлаймыз», делінген хабарламада.