Жетісу облысы – солтүстігінде, орталығында және таулы аймақтарда найзағай болжанған. Оңтүстік-батыстан соғатын жел облыстың шығысы мен таулы бөліктерінде 15–20 м/с жылдамдықпен, ал күндіз екпіні 23–28 м/с-қа дейін күшейеді. Жоғары өрт қауіпі күтіледі, ал батысында төтенше өрт қаупі сақталады.

Қарағанды облысы – батыс, солтүстік және шығыс бөліктерінде найзағай күтіледі. Оңтүстік-батыстан және батыстан соғатын жел таңертең және күндіз 15–20 м/с дейін күшеюі мүмкін. Облыс аумағында өрт қаупі жоғары.

Түркістан облысы – таулы аймақтарда найзағай болжануда. Батыстан соғатын жел күндіз тау асуларында 15–20 м/с-қа дейін жетуі ықтимал. Жоғары өрт қаупі бар, ал батысы мен шөлді аудандарында төтенше өрт қаупі сақталады.

Шымкент қаласында – жоғары өрт қаупі сақталады.

Абай облысы – найзағай және күндіз бұршақ жаууы ықтимал. Жел оңтүстік-батыстан соғады, батыс, солтүстік және орталық бөліктерінде екпіні 15–20 м/с. Өрт қаупі жоғары.

Астана қаласы – күндіз кей уақытта найзағай, бұршақ болуы мүмкін. Оңтүстік-батыстан және батыстан соғатын жел кей сәттерде 15–20 м/с жылдамдықпен соғады. Жоғары өрт қаупі сақталады.

Батыс Қазақстан облысы – батыс және солтүстігінде найзағай мен күндіз бұршақ күтіледі. Жел солтүстік-батыстан оңтүстік-шығысқа ауысып, екпіні 15–20 м/с-қа жетеді. Батысында өрт қаупі жоғары.

Шығыс Қазақстан облысы – солтүстік және шығыс бөліктерінде қатты жаңбыр мен бұршақ болжануда. Түнде найзағай, күндіз найзағай мен жел күтіледі. Жел екпіні 15–20 м/с дейін күшеюі мүмкін. Солтүстік-батысы мен оңтүстігінде өрт қаупі жоғары.

Ақмола облысы – солтүстік, оңтүстік және орталық аудандарда қатты жаңбыр, бұршақ күтіледі. Түнде және күндіз найзағай болады. Жел оңтүстік-батыстан және батыстан 15–20 м/с жылдамдықпен соғады. Батыс, оңтүстік және шығыс бөліктерінде жоғары өрт қаупі бар.

Маңғыстау облысы – жоғары өрт қаупі сақталады.

Солтүстік Қазақстан облысы – күндіз батыс, солтүстік және оңтүстік бөліктерде қатты жаңбыр жауады. Найзағай, тұман, күндіз бұршақ күтіледі. Жел солтүстік-батыстан 15–20 м/с, кей жерлерде 25 м/с-қа дейін жетеді.

Ақтөбе облысы – батыс, солтүстік және орталық бөліктерде найзағай, түнде және таңертең солтүстігінде тұман күтіледі. Оңтүстік, оңтүстік-шығыс және батысында жоғары өрт қаупі сақталады.

Алматы облысы – таулы аудандарда қатты жаңбыр, найзағай мен бұршақ болжанған. Солтүстік-шығыстан және шығыстан соғатын жел 15–20 м/с-қа дейін жетуі мүмкін. Солтүстігі мен орталығында жоғары өрт қаупі бар.

Алматы қаласы – түнде найзағай болжануда, найзағай кезінде шығыстан соғатын желдің екпіні 15–20 м/с дейін күшеюі мүмкін.

Қостанай облысы – найзағай, күндіз солтүстік және шығыс бөліктерде бұршақ күтіледі. Түнде және таңертең тұман болады. Жел оңтүстік-батыстан солтүстік-батысқа ауысып, 15–20 м/с жылдамдықпен соғады. Оңтүстігінде өрт қаупі жоғары.

Жамбыл облысы – оңтүстігінде және таулы аудандарда найзағай мен бұршақ күтіледі. Жел бағытын оңтүстік-батыстан солтүстік-батысқа ауыстырып, күндіз 15–20 м/с дейін күшейеді. Батысы мен орталығында төтенше өрт қаупі сақталады.

Павлодар облысы – найзағай мен бұршақ күтіледі. Жел батыстан 15–20 м/с жылдамдықпен соғады. Батысы, оңтүстігі, оңтүстік-шығысы мен орталығында жоғары өрт қаупі сақталады.

Қызылорда облысы – орталық бөлігінде найзағай мен дауыл күтіледі. Жел батыстан, солтүстік-батыстан 15–20 м/с дейін күшейеді. Орталық және шығыс аймақтарында төтенше өрт қаупі бар.

Атырау облысы – солтүстік және шығыс бөліктерде найзағай болжанған. Жел оңтүстік-батыстан соғып, күндіз екпіні 15–20 м/с дейін жетеді. Оңтүстік пен батыста жоғары өрт қаупі сақталады.

Синоптиктер қауіпсіздік шараларын сақтап, ауа райына байланысты ескертулерге назар аударуды ұсынады.