Кардиохирургия және трансплантология ғылыми-клиникалық орталығында алғаш рет адамның кеуде қуысын кеспей, пункция арқылы  ота жасалды, деп хабарлайды Jambylinfo. Хабарламаға сүйенсек, ота ауруханаға ауыр жағдайда түскен 15 жасар қызға жасалған.  Жасөспірім 5 жыл бойы «Митральды қақпақшаның пролапсы» диагнозымен ауырып жүрген. Отаны профессор Сейтхан Жошыбаев жасаған. Олар митральды қақпақшаны торакоскопиялық жолмен протездеу арқылы жүргізген.

"Операция сәтті өткен. Хирургиялық араласудан кейінгі алтыншы күні пациент қанағаттанарлық жағдайда үйіне шығарылған".- деп хабарлады облыстық денсаулық сақтау басқармасының баспасөз қызметі.