Таразда орталықтағы кофехананың бірінен өрт шықты деп хабарлайды Жамбылинфо. Бүгін сағат 14:04-те Төтенше жағдайлар департаментіне Тараз қаласы, Айтиев көшесі бойындағы 40 ш.м алаңда кофехананың шатырында өрт туындағаны туралы хабарлама келіп түскен. ТЖД күшімен (6 бірлік техника және жеке құрамның 21 адамы) өрт сағат 14:15-те оқшауланып, 14:22-де сөндірілген. Қаза тапқандар мен зардап шеккендер тіркелмеген.