ҚР ІІМ электрондық поштасына Тараз қаласындағы сауда орталықтарының біріне жарылғыш зат қойылғаны туралы хабарлама келіп түскен
Бұл туралы Жамбыл облысы Полиция департаментінің баспасөз қызметі мәлімдеді, деп хабарлайды Jambylinfo.kz
"Оқиға орнына дереу Жамбыл облысы Полиция департаментінің қызметкерлері, оның ішінде жылдам қимылдайтын арнайы жасақ пен іздестіру иттері бар кинологтар жұмылдырылды. Жүргізілген мұқият тексеру нәтижесінде ғимараттан жарылғыш құрылғылар табылмады. Жедел-іздестіру шаралары барысында жалған ақпарат жіберілген IP мекенжай анықталды, ал күдіктіні анықтау және ұстау бойынша жұмыстар жүргізілуде. Аталған факт бойынша ҚР Қылмыстық кодексінің "Терроризм актісі туралы көрінеу жалған хабарлау" бабы бойынша сотқа дейінгі тергеу басталды",-делінген ведомстваның хабарламасында.
ҚР ҚПК 201-бабына сәйкес тергеу деректері жария етуге жатпайды.
Бақытжан Бекболат
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Алдыңғы мақала
Ұқсас жаңалықтар
