Бұл туралы Атхамбек Юлдашев жеке парақшасына жариялады,– деп хабарлайды Jambylinfo.kz.

Шымкент сыра зауытының иесі, белгілі продюсер Баян Мақсатқызының күйеуі өзбек әншісіне құрмет көрсеткен. 

«Бауырлас ел болғандықтан, қазақ халқының атынан сыйлаймын. Мен сізге ұзақ өмір, денсаулық және махаббат тілеймін», – деп тілек білдірді кәсіпкер.

Су жаңа көлікке ие болған өзбек әншісі толқып кетті. Ол қуанышын жасыра алмай, ақжарма тілегін жаудырып,  көліктің кереметтігінен тіпті мінуге қорқатынын да айтып салды.

Желі қолданушылары жомарт Тұрсын Алагөзовке алғыс жаудырса, Атхамбекке құтты болсын айтып мәре-сәре болды.