Жаңа Қазақстан жемқорлардың капиталын күштеп қайтаратын болды Экономикалық саясат жөніндегі кеңестің отырысында үкімет заңсыз шығарылған активтерді мемлекет меншігіне қайтару туралы заң жобасын қарады. Мұнда активтерді заңсыз алып шығару жағдайларын жоюға, оларды өз ерікмен немесе мәжбүрлеп қайтаруды бастауға арналған ережелер кіреді. Осылайша, уәкілетті мемлекеттік органдардың ақпаратын талдау нәтижелері бойынша тұлғалар өз активтері туралы арнайы декларацияны тапсыруы қажет. Сол арқылы олардың шектеулі тізілімін қалыптастыру жоспарлануда. Егер мүліктің иесі активтердің шығарылу жағдайын мойындай алмаса, олар негізсіз сатып алынған деп танылып, мемлекет кірісіне айналдырылады. Ал қайтарылған активтер қазақстандықтардың әл-ауқатын арттыруға бағытталған жобаларды қаржыландыруға пайдаланылмақ. Премьер-Министр Әлихан Смайылов Әділет министрлігіне айтылған пікірлер мен ескертулерді ескере отырып, заң жобасын жан-жақты зерделеуді тапсырды.