Жамбыл облысында атыс болып, төрт адам жарақаттанды, деп хабарлайды Jambylinfo.kz

Бұл туралы облыстық полиция департаменті хабарлады.

Зардап шеккендер травматикалық қарудан жарақат алған. Оқиға кеше кешкі уақытта болған, шамамен сағат 21:30-да төрт жаралы адам Мойынқұм аудандық ауруханасына жеткізілген.

Қазіргі уақытта полицейлер оқиғаның барлық мән-жайын анықтау үшін жедел-іздестіру және тергеу амалдарын жүргізіп жатыр.