Жамбыл полицейлері облыс жолдарындағы 5000-нан астам ақауды анықтады. Жамбыл облысының Полиция департаменті жол қозғалысы қауіпсіздігін қамтамасыз ету және апаттылықты тұрақтандыру мақсатында жыл басынан бері облыстың көлік жолдарына 752 тексеріс жүргізіп, 5000-нан астам ақауларды анықтады. Ол бойынша жергілікті атқарушы органдарға орындауға 752 ұйғарым жіберіліп, жолдарды жөндеу мен күтіп ұстауды жүзеге асыратын мердігерлік ұйымдардың 87 лауазымды тұлғасы әкімшілік жауапкершілікке тартылған. «Жүргізілген тексерулер нәтижесінде облыстың көлік жолдарында 378 жол белгілері орнатылды, 1600 шақырымнан астам жол белгілері қойылды, 10 000 шаршы метрден астам шұңқырларды жөндеу жүзеге асырылды, 26 жол буфері ауыстырылды, 896 белгі бағаналары мен 3530 катафоталар орнатылды», – деді Жамбыл облысының ПД Әкімшілік полиция басқармасының бастығы Мәмбет Смаилов.