2024 жылы  спорт саласына жергілікті бюджеттет 15,8 млрд. теңге бөлінді - бұл туралы Жамбыл облыс әкімі Ербол Қарашөкеев орталық коммуникациялар алаңында өтіп жатқан брифингке айтты, деп хабарлайды Jambylinfo.kz

 «Биылғы жылдың ең үздік жетістігі – «Париж – 2024» жазғы Олимпиада ойындарында дзюдодан Елдос Сметовтың алтын медалі. Бұдан бөлек, Париж – 2024 XVIII жазғы Паралимпиада ойындарына Жамбыл облысы 4 лицензия алып, Жұмағали Нұрдәулет паражүзуден күміс медальға ие болды. Қыркүйек айында Астанада өткен V Дүниежүзілік көшпенділер ойындарында Жамбыл облысынан 17 спортшы қатысып, 18 медаль иеленді .  Олар спорттың 8 түрінен қатысып 7 алтын, 7 күміс, 4 қола жүлдемен оралды»,- деді облыс әкімі.