Таразда 26 түзеу мекемесінде жазасын өтеп жатқан Қырғызстан Республикасының азаматы бейнебайланыс арқылы туған-туыстарымен сөйлесті. Онлайн тілдесу барысында сотталған азамат жақындарының амандығын біліп, хәл сұрасты. Айта кетейік, аталған ер адам ел шекарасын заңсыз кесіп өткені үшін кінәлі деп танылып, сот үкімімен 6 ай мерзімге бас бостандығынан айырылған. Жалпы, өңірлік ҚАЖ департаментіне қарасты барлық түзеу мекемелеріндегі жазасын өтеушілердің туған-туыстарымен байланысына барынша көңіл бөлінеді. Конституциялық құқығы саналатын бұл қадамдар олардың қоғамға сіңісуіне әрі түзелі жолына тезірек түсуіне өз септігін тигізуде.