Енді жедел жәрдем мен полиция көлігін өткізбей, кедергі келтіргендерге 80 мың теңгеге дейін айыппұл салынбақ, - деп хабарлайды Jambylinfo.kz  ktk.kz сілтеме жасап. 

Сондай-ақ жүріп келе жатқан көлікте басын шығарғандарға да 40 мың теңгеге дейін айыппұл хаттамасы толтырылады. 

Дегенмен заңда жұмсартылған тұстар да бар. Мәселен, жол-көлік апатында кінәлі жүргізуші, ешкімнің өліміне себепкер болмаса, бұған дейін жүргізуші куәлігінен жарты жылға дейін айырылатын болса, енді 80 мың теңге айыппұл төлеп, жазадан құтыла алады.

Дегенмен заңда жұмсартылған тұстар да бар. Мәселен, жол-көлік апатында кінәлі жүргізуші, ешкімнің өліміне себепкер болмаса, бұған дейін жүргізуші куәлігінен жарты жылға дейін айырылатын болса, енді 80 мың теңге айыппұл төлеп, жазадан құтыла алады.

Жоғары палата депутаттары автомектептерге тексерісті күшейту керек деген пікірді ұстанады. Себебі, куәлікті оңды-солды таратқандардың кесірі жазықсыз адамның өмірін қиып жатыр.

“Жол инфрақұрылымы әлі жолда апат болудан сақтауға дайын емес. Жолдарды жөндеуіміз керек. Екінші мәселе, жүргізушілердің дайындығын дамыту керек, басқаша тәсілмен. Бүгінде жүргізуші куәлігін алу рәсімі өте жеңіл”, – дейді сенат депутаты Марат Қожаев.