Ақпаратқа қарағанда, Сирия Израильге елдің оңтүстігінде әскери операция жүргізілетіні туралы алдын ала ескерткен. Сирия тарапы бұл әрекетті Израильге қарсы емес, ел ішіндегі қақтығыстарды басып, тәртіпті қалпына келтіру үшін жасап жатқанын айтқан.

«Трамп әкімшілігі Израильден Сирия қарулы күштеріне соққы жасауды тоқтатуды сұрады. Израиль бұл өтінішті орындауға келісіп, шабуылдарды сейсенбі кешке дейін тоқтатуға уәде берді», – деп жазды Барак Равид X парақшасында.

Еске сала кетсек, сейсенбі күні Израиль әскері Сирияның Эс-Сувейда аймағында үкімет әскері нысандарына әуе шабуылын жасаған еді. Израильдің премьер-министрі Биньямин Нетаньяху мен қорғаныс министрі Исраэль Кац бұл шабуылдың мақсаты Израиль шекарасына жақын маңда әскери техниканың шоғырлануына жол бермеу екенін мәлімдеген болатын.