Владимир Путиннің бастамасымен Мәскеу 9 мамырға арналған парад пен мерекелік күндерге байланысты уақытша бітім жариялауға дайын екенін мәлімдеді, - деп хабарлайды Jambylinfo.kz 

Бірақ Украина президенті Владимир Зеленский бұл ұсынысты «сахналық қойылым» деп атап, қолдаудан бас тартты. Оның айтуынша, Ресей бұған дейін де Пасха мерекесінде дәл осындай бітім жариялап, артынша өзі бұзған.

«Біз Мәскеудегі парадтың қауіпсіздігіне жауап бермейміз. Бұл біздің міндетіміз емес», – деді Зеленский.

Айта кетейік, ақпан айында АҚШ делегациясы Киев пен Мәскеу арасында диалог орнату үшін жеке келіссөздер жүргізген болатын. Ол кезде Украина Вашингтон ұсынған 30 күндік уақытша тыныштыққа келіссе, Ресей бұл форматқа қарсы болған.