Мемлекет басшысының құрметіне орай Франция Президенті Елисей сарайында мемлекеттік қабылдау өткізді, деп хабарлайды Jambylinfo.kz

 Қасым-Жомарт Тоқаев Эмманюэль Макрон мен оның зайыбы Бриджит Макронға қазақ делегациясына ерекше қонақжайлық көрсеткені және достық пейілдері үшін ризашылық білдірді.

Мемлекеттік қабылдауға Францияның Үкімет мүшелері, белгілі саясаткерлер, іскерлік топ, ғылым және дипломатия өкілдері, сондай-ақ екі елдің көрнекті мәдениет және спорт қайраткерлері шақырылды.

Бұл туралы Парижде өткен паралимпиада чемпионы Ақмарал Науатбек әлеуметтік желідегі парақшасында жазба жариялады.

-           Үстіміздегі жылдың 4-5 қарашасында ҚР Президенті Қасым-Жомарт Кемелұлы Тоқаевтың мемлекеттік сапары аясында Франция Президенті Эммануэль Макрон мырза мен мадам Брижит Макронның шақыруымен Елисей сарайында қонақ болып кеттім. Аса мәртебелі шақырудың иесі болғаныма Аллаға сансыз шүкір!,- деп жазды ол.

Айта кетейік, Макрон шақырған мәртебелі қонақтардың ішінде Ақмарал Науатбектен бөлек, Елдос Сметов, Давид Дегтрияров пен Димаш Құдайберген де бар.